كتاب التنال كامل

نصائح هامةبخصوص الإختبار النفسى للمعلمين و أحدث الأسئلة الواردة 

لتحميل الملف فى الأسفل☟☟

مرحبا متابعى أسئلة ومعلومات plog

هنتكلم  عن شوية نصائح في الاختبار النفسي من وجهة نظر وواقع اللى امتحنوا فى الدفعات السابقة

في البداية الامتحان بيتكون من 8 اختبارات قصيرة مدة كل اختبار منهم ما بين 3 إلى 6 دقائق .

ال8 اختبارات كل اختبار فيهم بيقيس صفة أو مهارة أو سمة معينة في شخصيتك ،
في صفات في شخصيتك مبنية على صفات تانيه .
زي العصبية والتوتر مثلا مبنيين ع الثبات الانفعالي .. بمعنى إن الشخص اللي عنده ثبات انفعالي هتلاقيه بيمتلك أعصابه ساعة الغضب ومش أي حد يعصبه أو يوتره .

الامتحانات بالظبط كدا معظم الأسئلة مبنيه على بعضها
يعني هييجي يسألك يقولك ايه الصفة اللي مش بتحب إنها تكون في شخصيتك ( الكذب - العنف - ... الخ )
هنا كل الصفات وحشه وأي واحده فيهم تنفع تختارها حسب شخصيتك.

لو اخترت الكذب يبقى تمشي ع باقي الأسئلة إنك بتكره الكذب لانه هيجيلك بعدها يسألك ويقولك لو اضطريت للكذب ( هتكذب - هتقول الحق ... الخ ) فطبعا بما إنك بتكره الكذب يبقى كدا هتختار إنك هتقول الحق .

#ركز أنت بتختار ايه

 هيسألك برضو عن المخدرات بما إنك بتكره المخدرات وشخصيتك سوية يبقى طبيعي إنك لو روحت مكان فيه مخدرات هتسيبه وتمشي مش هتقعد تندم إنك جيت عشان لو قعدت تندم فأنت كدا مش بتعرف تأخد قرارات صح لإنك لما تاخد قرار معين بتبقى دارس الأوجه السلبية والايجابية للقرار .

#ركز أنت بتختار ايه

برضو بييجي كذا سؤال فالمجالات والابحاث والكتب اللي أنت بتحبها ،
هيجيلك بتحب المجال العلمي ولا التاريخي ... الخ
لو انت جاوبت وقولتله العلمي يبقى تمشي باقي ايجاباتك واهتماماتك بالبحث العلمي والجانب العلمي .
مش تروح تختار ف سؤال الجانب العلمي وسؤال تاني الجانب التاريخي وتقول لو هناك طلعت غلط هنا تطلع صح .. لا أنت كدا معندكش ثبات انفعالي وثقة بالنفس  .

#افتكر إن الأسئلة مبنيه ع بعضها وبتلاقي أكتر من سؤال متكرر بصيغة مختلفة عن التانيه بس الاجابات واحدة ومبنية ع بعضها.

وهنا هو مش بيسألك أنت بتحب ايه أو بتكره ايه هنا هو بيقيس جواك قوة ثباتك الإنفعالي.
هو مش هيفرق معاه أنت بتحب أو بتكره ايه
هو بيقيس جواك مهارة أو صفة معينة فركز وحاول تمشي ع رتم واحد يعني حبيت حاجة معينة يبقى تمشي عليها متنوعش .

في حاجة تانية مهمة جدا وهي الفروق الفردية بين الأفراد

هيجيلك كذا سؤال هيقولك أنت بالنسبة لأصدقاءك هل أقل منهم أو متميز عنهم أو مختلف عنهم.
طبعا لو أنت أقل منهم يبقى أنت كدا عندك نقص أو حاسس بنقص ف شخصيتك ولو متميز عنهم ممكن يكون عندك غرور فطبعا هتختار إنك مختلف عنهم عشان ف فروق فردية بين الأفراد كل واحد بيختلف عن التاني .

هيجيلك كذا سؤال برضو ف الثقة والثبات الانفعالي والتأثير على الآخرين .

هيقولك لو اتعرضت لموقف واضطريت إنك تواجه الناس ومره تانيه هيقولك طلب منك تلقي محاضرة هل هتبقى متوتر ولا الأمر طبيعي ولا واثق من نفسك .. طبعا اجابتك عليهم كلهم تكون واحده سواء الأمر طبيعي أو واثق من نفسك .

هيسألك برضو عن تأثيرلك ف الآخرين هل هتقدر تأثر فيهم ويسمعوا كلامك ولا لا وهتقدر تقنعهم بأفكارك .

ده بالنسبة لأسئلة السمات الشخصية .

أنت هتلاقي حوالي 8 أو 10 أسئلة بيعتمدوا ع الذكاء طبعا اللي هما بتوع الشمس والقمر وتغيير الملابس وتامر أطول من كذا دي طبعا اجابتهم معروفة ودي بتقيس عندك الذكاء وسرعة البديهة بس تركز لإن الأسئلة دي بتخليك متلحقش تجاوب ع باقي الأسئلة وبتضيع منك الوقت فأنت تحاول تجاوبهم بسرعة لإن سؤال الطول ده قعدت أفهمه ضيع مني 3 أسئلة .

بالنسبة للنجاح والسقوط

 الاختبارات النفسية
دي اختبارات بتقيس سمات شخصيتك ،
وكل شخص وشخصيته بقى هتلاقي واحد عدواني واحد اجتماعي واحد ذكي وهكذا بنسب مختلفة  .
الاستبيان ده أو الاختبار النفسى  ده بيقيس جواك السمة دي موجودة عنك بنسبة كام.

#لو حد منكم دارس علم نفس هيفهم الكلام  ده كويس وهيعرف مثلا لو هتعمل استبيان أو اختبار للأشخاص الاجتماعيين فهتلاقي كل واحد مننا اجتماعي مثلا بنسبة 85% واحد تاني بنسبة 75% وهكذا .....

#نصيحتي

 للناس اللي لسه هتمتحن إنك تكون هادي جدااااا وتحاول تركز وتعرف أنت اخترت ايه وكلها تلت أو نص ساعه بالكتير وبتكون مخلص وطالع .


أتمنى التوفيق للجميع .

للإطلاع على أحدث الأسئلة

 والتحميل اضغط☜ هنا ☞