كتاب التنال كامل

التحديثات الجديدة الخاصة بالبوابة الالكترونية للتوظيف

مرحبا بكم متابعى أسئله ومعلومات Blog فى هذه المقالة سوف تجد : 

شرح تفصيلى للتحديثات الجديدة التى ظهرت فى البوابة الالكترونية للتوظيف .

لقد تم اضافة تحديث جديد فى البوابة الالكترونية للتوظيف وذلك بإضافة خانة المساعدة تظهر بالأعلى عند تسجيل الدخول 

خانة المساعدة فيها خانتين :

١ _الخانة الاول طلبات التغيير 

ولما هتدخل عليها وتختار بعد كده اضافة هيظهرلك القائمة الطويلة دي واللي منها هتقدر تختار عايز تغير ايه سواء البريد الإلكتروني عشان ناس كتير نسيت الباسورد بتاع البريد ومش عارفة تسترجعه تاني ،

 وكمان تقدر تغيير الرغبات الوظيفية ورقم الفون وغيره ودي عبارة عن تعديل ف بياناتك بتعدلها عادي ..

__

٢ _ خانة التظلمات 

ودي قسمين الأولى خاصة بتعذر القيد وبتكتب فيها سبب التعذر وكمان مطلوب منك ترفعلهم تعهد بأنك بعد ماتخلص التصحيحات الي عندك ترفع القيد العائلي ف غضون ١٨ شهر ..

وبعد كده في خانة تظلم تانية وهي اخرى ودي بتتظلم فيها عن اي حاجة عندك ..

____

الفكرة انك ما تستعجلش  وشوف انت عايز تعدل ايه وتغير ايه او تقدم تظلم عن ايه وشوف اللي مطلوب منك لما تيجي تقدم تظلم وتقدم كل الورق اللي عندك يدعم تظلمك .

ولو عايز تغير رقم الفون او ال gmail  للناس اللي ناسية باسورد ال gmail  اتاكد انك ال gmail  الجديد اللي هترفعه الباسورد بتاعه عندك ومسجله .

 ولو عايز تعدل في الرغبات عدل الرغبات مع اللي تتوافق مع مؤهلك .

ولو في حاجة محيراك او متردد فيها اتواصل مع البوابة افضلك واستفسر منهم .

زي ما أنتو شايفين في خانة جديدة اسمها الأدوات المساعده هتلاقيها في خانة التيتشير والتنال والاختبار النفسي ومرحلة المفاضلة ادخل من أي واحدة وهتضغط عليها .

هتجيله القائمة دي لو هتعدل هتختار طلب تعديل وتضغط عليها .

هتجيلك دي طلب تعديل حاله هتضغط على المربع إلى مكتوب عليه اضافه باللون الأخضر .

هتظهرك دي تضغط على السهم إلى فى المربع جميع الاختيارات .

هتظهرك القائمة دي وفيها الحاجات إلى قابلة للتعديل هتحدد الحاجة اللى انت عايز تعدلها .

انا هنا اخترت مثال تعديل الرغبات هتلاقي ظهرتلك منشور فيه تعليمات تقرأها بيوضحلك تعمل ايه وتكتب ايه بالظبط حسب الحاجة اللى انت بتختارها .

باقي المنشور وتكتب في الوصف من تحت وبعد ما تخلص تعمل حفظ .

 نصيحتي انا ليكم متعدلش غير لو عندك مثلا الرغبتين مرفوضين أو تعذر قيد غير كدا بلاش تعطل ورقك وتدخل نفسك في مرحلة مراجعة تاني وتأخير ورقك

يعنى لو  عندك حاجة مهمة تستاهل يعني الفون بتاعك اتغير الميل مثلا اتغير كدا عدل لا مكنش بلاش أفضل وكل واحد حر .

أما بالنسبة لتعذر القيد العائلى  

* دا خاص بالناس الي عندها تعذر قيد هتكتب نفس حدا ربنا يجعلهم القبول ووفقهم إن شاء الله وميضيعش تعبهم والتعزر يتقبل 

حضرتك هتملى الصيغة دى ☟وتبعتها وإن شاء الله يتم قبولك .

#طلب تعذر القيد العائلي 

المطلوب 

_ شرح اسباب عدم القدرة علي استخراج القيد العائلي.

_ رفع الملفات التي توضح عدم القدرة علي استخراج القيد .

رفع المستندات لجميع افراد الاسره ( صور البطايق الشخصية للكبار _ صور شهاده الميلاد للصغار _ قسيمة الزواج ) .

تقديم شهاده من السجل (شهاده تعذر )

#طلبات تعذر استخراج الخدمة العامة كما سبق 

ثانيا التعديلات 

متاح علي البوابة الكثير من التعديلات 

لو عاوز تعدل #الرقم القومي او #رقم التلفون او #البريد الالكتروني 

هتتصل علي الرقم 01211733363

ويكون قدامك الرقم القومي _ والرقم السري ال بتدخل بيه علي البوابة 

لانه هيحتاجهم منك زيادة تأكيد 

تعديلات #محل الاقامة 

هترفع المستندات التي تثبت تغير محل الاقامة زي ( ايصال كهرباء _ غاز   هاتف _ عقد ايجار ) بإسم المتقدم  او اسم الوالد او الزوج المثبت علي البطاقة . 

لا تنسى الاشتراك ليصلك كل ما هو جديد .