كتاب التنال كامل

             امتحان iTEP  تخصص لغة انجليزية

مرحبا بكم متابعى أسئله ومعلومات Blog فى هذه المقالة سوف تجد :

 وصف لطبيعة اختبار iTEP  لتخصص اللغة الانجليزية .

بالنسبة لاختبار ITEP :-

الاختبار بينقسم الي ثلاثة أقسام
1- grammar
2- listening
3- Reading 

  أولاً  

الجرامر او القواعد ٢٥ سؤال

١٣ اختياري

١٢ تصحيح ( جملة بها ٣ كلمات مثلا تحتهم خط و فيهم واحدة خطأ و تحتها اختيارات. تشوف الخطأ و تختاره)

و دول عشان تحلهم لازم تكون مراجع قواعد اعدادي و ثانوي و لازم تكون سريع لان الوقت قليل و مش هتعرف تروح للسؤال التالي الا لما تجاوب اللي قبله .

🔴 وخلى بالك من الوقت .

ثانياً

الاستماع 

(خد معاك ورقة و قلم  عشان تحاول تكتب ملاحظات عن اللي بتسمعه عشان تساعدك في الحل)

خد بالك المحادثة بتسمعها مرة واحدة فقط لذلك لازم تركز

٤ محادثات صغيرين ( طبعا سهلين بس محتاجين تركز بس و كل واحدة عليها سؤال بس بيبقى عاوز فهم بس للمحادثة مش اكتر و دايما في الأغلب بتبقى محادثة بين رجل و امرأة )

يعني مثلا فيه سؤال جه هم الاتنين دول يبقو ايه لبعض

و الإجابة كانت زملاء في العمل 

، و سؤال تاني جه لمحادثة ثانية هم دايما متعودين يتقابلو فين و الإجابة طبعا كانت انهم بيتقابلو في خارج المنزل

مش فاكر الاتنين التانيين كانو عن ايه 

الجزء التاني من الاستماع محادثة أطول شوية و عليها ٤ أسئلة

المحادثة اللي جت كانت عن اتنين بيحبو الموسيقى و ان فيه حفلة هو عرف عنها في الجريدة و انها تقريبا يوم الاتنين بس البنت قالت إنها مش هتقدر تروح لأنها تقريبا عندها

امتحان سيكولوجي او  تقريبا بتذاكر يعني 

و المبنى اللي فيه الحفلة اسمه اتقال مش متذكر الاسم بس جه سؤال عليه في الاختبارات

و طبعا جه سؤال انهم بيحبو ايه الفن و لا الموسيقي و لا السيكولوجي و طبعا هم يوميا بيقرأو عن الموسيقى في الجريدة فبالتالي بيحبو الموسيقى .

الجزء الثالث من الاستماع ( المحاضرة ) و دي محتاجة تركيز جدا و عليه أسئلة اكتر

المحاضرة اللي جت كانت عن فينيسيا و فيه مدينة تانية اتذكرت برضو و فيه تاريخ تقريبا ١٩٨٠ حصل فيه ايه

مش متذكر بالتفصيل لكنها كانت عاوزة تركيز شوية

ثالثاً 

الجزء الثالث و الأخير اللي هو الريدينج

قطعتين // 

الوقت المتاح ليهم   ٢٠ دقيقة

من حقك تشوف الأسئلة و تطلع و تنزل في القطعة عادي عشان تجاوب ، 

قطعة منهم كانت عن بلد تجاري و زادت التجارة بيها لما بدأو يهتمو بإنشاء طرق و كباري 

و القطعة التانية عن اختراع الصبغة و صباغة الملابس و الملكة استعملت الصبغة و كانت سبب ان إنجلترا كلها تستعملها و سبب في شهرتها و طلب ذكر اهم العناصر الملخصة ليها .

و طلب معنى كلمة و كانت الإجابة distinctive يعني مميز 

القطعة الأولى متوسطة

التانية أصعب شوية و لازم تقرأها أفضل .

عموما بإذن الله تحل الجرامر و أول قطع في الاستماع سهلة هتحلوها بإذن الله و القطع هتحلو فيها

و كمان النجاح بقى من ٥٠٪ يعني الموضوع بقى سهل و الكل هيعدي ان شاء الله .

و لمتابعة الأسئلة تابع مقالة
اختبار اللغة الانجليزية iTEP المطلوب من المتقدمين لمسابقة التربية والتعليم


لمشاهدة الكتاب اضغط ☟☟
https://drive.google.com/file/d/1c29cvmllzW39IXe-0GnXOq8xxVDpUhT8/view

لا تنسى الاشتراك ليصلك كل ما هو جديد .